Babad Banjarnegara ora bisa dipisah karo sejarah Kerajaan Galuh Purba (dibangun adoh sedurung abad 5 Masehi). Kerajaan kiye dibangun nang sekitar Gunung Slamet ning bar kuwe pusat kerajaane pindah maring Garut - Kawali (abad 6-7 Masehi) mbentuk utawa ngelanjutaken pemerentahan nang Kerajaan Galuh Kawali. Kerajaan Galuh Purba kuwe dibangun karo pendatang-pendatang sekang Kutai (Kalimantan) ning sedurunge agama Hindu melebu nang Kutai. Keturunan-keturunan Kerajaan Galuh Purba kiye nerusna pemerentahan Kerajaan nang Garut - Kawali (Ciamis) sing wis duwe budaya Sunda, terus sebagian campur darah karo keturunan Kerajaan Kalingga (Dieng, Jawa Tengah).
Babad Banjarnegara juga ora bisa dipisah karo sejarah kerajaan Galuh Kawali sing wilayah kekuasaane ngeliputi lewih separo wilayah Jawa Tengah siki (kemungkinan tekan Kedu lan Purwodadi), dadi termasuk juga wilayah Banjarnegara karo Banyumasan umume. Kejaba kue uga ora bisa dipisah karo babad Kerajaan-Kerajaan utama nang Jawa Tengah antarane kerajaan Kalingga, Kerajaan Mataram, Kesultanan Demak, Kesultanan Pajang.
Ibukota Banjarnegara sedurunge nang desa Banjarkulon, kecamatan Banjarmangu lewih dikenal Banjarwatulembu, terus pindah ming sisi kidul Kali Serayu, sing dipilih yakuwe daerah Banjar (siki Kota Banjarnegara) sing dadi ibukota anyar. Daerah Banjar sing dipilih kuwe jane persawahan sing amba pisan karo lereng-lereng sing curam. Arti kata Banjar yakuwe sawah, negara utawa kota.
Sejarah pimpinan (bupati) Banjarnegara dimulai wektu pemerintahan kerajaan Mataram pas Perang Diponegoro, R. Tumenggung Dipayudha IV diusulaken dening Pakubuwono VII dadi Bupati Banjar negara tanggal 22 Agustus 1831 (sedurung-sedurunge status Bupati Banjar wis ihapus). Wektu kue ibukota kabupaten ana neng Banjarkulon, Banjarmangu. Amargane kali Serayu banjir, trus sering mbludag ora petha, sing akibate marai angel transportasi maring ibukota Kasunanan Surakarta, ibukota kabupaten akhire dipindahning sebelah kidul kali, Banjarnegara (Banjar: sawah; Negara: kota).
Tumenggung Dipayudha njabat dadi bupati nganti tahun 1846, Bupati Banjarnegara seteruse ya kue :
- R. Adipati Dipadiningrat (1846-1878)
- Mas Ngabehi Atmodipuro (1878-1896)
- Raden Mas Jayamisena (1896-1927)
- Raden Sumitro Kolopaking Purbonegoro (1927-1949)
- R. Sumitro (1949-1960)
- R. Mas Soedjirno (1960-1967)
- R. Soedibjo (1967-1973)
- Drs. Soewardji (1973-1980)
- Drs. H. Winarno Surya Adisubrata (1980-1986)
- H. Endro Soewarjo (1986-1991)
- Drs. H. Nurachmad (1991-2001)
- Drs. H. Djasri, MM - Drs. Hadi Supeno. MSi (2001 - 2006)
- Drs. H. Djasri, MM - Drs. Soehardjo (2006-2011)
sumber : wikimedia
6 komentar:
Jan nyong kawit SD ora tau diwenehi ngerti sejarahe, malah ketemu ng kene pak. ng blog-e rika. jan dadi ngerti kiye sejarahe :D
suwun pak
maturnuwun.....ya kepriwe maning angger pengen tambah tresna maring apa bae kan kudu ngerti sejero-jerone disit mbok ? termasuk sejarahe ??
muga-muga generasi penerus mbesuk tresnane maring mbanjar ora bakal berkurang pamaning ilang lap....amin
ahahahahah inyong wong banjar palah nembe krungu sejaraeh yakuwe, jempolan rika
aku wong klampok
walahhh malah nyonge tembe ngrti seluk beluke banjar... jublane kya kue yahhh......
dongane ibukotane pindah klampok bae.. siki wes sepi banjar kota ra kaya klampok.. hahahaha
Ana blog bagus nih....matur nuwun mas. Aku arep usul kye, Guruku Pak Adisarwono, BA (almarhum) beliau seorang penulis dan punya banyak referensi pustaka tentang Banjarnegara coba digali mudah2an bermanfaat untuk melengkapi sejarah Banjarnegara.
Post a Comment